عصابات تحكم البلد

مأمون أمين
الثلاثاء ، ٠٩ ابريل ٢٠١٩ الساعة ٠٩:٥٢ مساءً
مشاركة |

 

✍🏻 مأمون أمين

اتصل بي صديق من رقم فرنسي وبعد السؤال عن الاحوال قال لي يا صاحبي الحبيب متى بيعود الرئيس هادي الى صنعاء!! قلت له ان شاءالله قريب لما ربي يفرجها، فقال لي واكيد بيرفع العلم في جبال مران!! قلت له ان شاءالله، قال لي تصدق ياصاحبي انا محتار هو اول بيعود الى صنعاء وبعدين بيروح صعده يرفع العلم في جبال مران او انه بيروح صعده يرفع العلم وبعدين بيروح صنعاء!! وانا بصراحه شعرت انه يتمسخر بكلامه فقلت له ياصاحبي ماتفرق المهم بالاخير انه بيعود.

قلت لصاحبي بعد ضحكته الطويله انت باين انك تتمسخر بكلامك صح!! قال لي بصراحه ايوه اسخر ومن حقي كمان العن الشرعيه، قلت له الله المستعان ليش ايش الحاصل!! قال باقول لك ايش الحاصل بس قول لي ليش مايروح الآن صنعاء!! قلت له الحوثه عادهم في صنعاء محتلينها، قال هاااااه اجينا لمربط الفرس اذن ليش مايعود الى عدن مش عدن قد تحررت!! انا بصراحه ماعاد قدرت ارد عليه وقلت له صح انه عدن قدها تحررت بس عاده في خطوره عليه، قال لي كيف في خطوره عليه وهو قد نزل عدن عدت مرات!! قلت له حصل تتش بينه وبين الاماراتيين وقد يحاولوا تصفيته، قال يعني حتى بعدن في خطوره على حياته!! قلت له ايوه، قال لي طيب ليش مايروح حضرموت او سقطرى او اي منطقه جنوبيه محرره!! قلت لا حول ولا قوة الا بالله انت لأيش تشتي توصل!! قال لي شوف ياصاحبي انا مسافر الى عندك قريب معي عمل وبالمره بلتقي بك وباتعرف كل شي.

وصل صاحبي امس الى المدينه اللي انا ساكن فيها واتصل بي الصباح مع الساعه 11 وقال لي اسمع يامؤمن انا جيت عن طريق هولندا وجزعت معي قات هرري بانتغدى وبنخزن طبعاً انا فرحت بالقات الهرري اكثر من اللقاء بصاحبي لانه لي من القات فتره طويله، وبعد اللقاء والغداء جهزت المجلس وكل شي متعلق بجلسة القات وخزنا وبعد ماانتهينا من الكلام العادي قال لي الآن بانتكلم بالمهم، قلت له انت اقلقتني بإتصالك الاخير وخليتني اضرب اسداس في اسباع، قال لي لإنك لو عرفت اللي عرفته عادك باتضرب مئات في عشرات الالوف، وانا ساعتها ضحكت وقلت له شكلك اليوم باتمررلي القات.

بعد تنهيده طويله ومع نفخة السجاره قال لي اكيد تعرف مها السيد!! قلت له ايوه اعرفها ايش فيها!! قال واكيد تعرف انها مؤتمريه!! قلت له ايوه اعرف انها مؤتمريه وانها شاركت في مؤتمر الحوار ومؤتمر الرياض وانها تحب علي عبدالله صالح ولما مات بكت عليه بشحرجه وانها الآن عضوه في إتلاف العيسي واعرف غيره الكثير، قال حلو انت اختصرت لي الكلام الكثير طبعاً انا قابلتها في فرنسا وتفاجأت بها وسألتني ايش معك في فرنسا!! قلت لها انتي اللي ايش معك في فرنسا وانتي مع الشرعيه اما انا في اوروبا اشتغل بالتجارة وجيت اعقد صفقه مع مصنع عطور لتصديرها، قالت معي ابني في فرنسا يقدم اوراقه لطلب اللجؤ، قلت لها وكيف دخل فرنسا!! قالت دخل بالجواز الدبلوماسي واجى من ماليزيا كان يدرس هناك، قلت لها كان احسن له يدرس بدل اللجؤ، قالت اني طلعت له هو واخوه منحه دراسيه بس علشان يجي فرنسا للجؤ، قلت لها وبكم اشتريتي له الجواز الدبلوماسي!! الا وهي ياصاحبي طلعت ضحكه طويله وقهرتني بردها قالت مالك يافلان ليش ماتعرف من هي مها السيد!! اني واسرتي كلهم معانا جوازات دبلوماسيه اني دبلوماسيه منصبي مستشاره سياسيه للسفير في الرياض، قلت لها مش كنتي اول نازحه وبعدين توظفتي في مركز اغاثي!! قالت ايوه بس ده كان زمان اول واتحول.

صاحبي سكت قليل وشكله كان مقهور وطلع تنهيده ثانيه وقال لي سألت مها السيد ايش الذي وصلك لهذا الوضع المهم!! قالت لي انت تعرف زوجي السابق ماجد السقاف انه يشتغل مع طاقم الرئيس الدنبوع وكمان علاقتي بالشيخ احمد العيسي وهو برضه يشتغل مع الدنبوع في مكتبه وقريب بايكون مدير مكتب الرئيس ولا تستغرب لو سمعت ان مها السيد قدها وزيره لأي وزاره، وانا قلت لها اللي أعطاك بايعطينا والدنيا هذه ارزاق ناس الله يرزقها بالمال وناس بعلاقات وناس بصحه وناس بعلم، قالت لي المهم انت لاتأكل هم اذا استلمت وزاره مابنساك باشوف لك اي منصب في الحكومه، قلت لها لا لا شكراً خلينا آكل حلال وأأكل عيالي بالحلال بتجارتي، قالت لي وليش نحن اللي بالحكومه ناكل حرام!! قلت لها انتي اعرف مني اذا كانوا اللي بالحكومة رواتبهم حلال او حرام، وكنت اشتي اتخارج منها لأنها وجعت قلبي واعمت عيوني بكلامها فقلت لها طيب عن اذنك شوفينا مستعجل معي شغل يالله مع السلامه ورحت من عندها وانا قلبي يلهب على حال البلد اللي وصلت له انك تحصل من امثال هذه الحرمه مسئولين بالدوله بعد كل تضحيات الشعب اليمني والثورة اللي قامت للتغيير.

شفت صاحبي مقهور خالص وقلت له ياراجل طول بالك انت شفت نموذج واحد في حكومة الشرعيه انا اعرف كثير من النماذج تقريباً بالمئات ولو ذكرتها لك باتدق رأسك بالجدار، قال لي ارجوك لاتكلمني عليها ولا اشتي اعرفها خليني على شغلي وعلى رزق اسرتي، مارضيت اقول له انه العصابه اللي حول الرئيس هي اللي تمشي البلد ولا رضيت اقول له انه في بالحكومه عصابات اصلاحيه ومؤتمريه واي واحد شريف يتآمروا عليه لحد مايخلعوه مثل مافعلوا مع بن دغر والمخلافي وكثير من المسئولين في مناصب كبيره او صغيره، مارضيت اقول له انهم يتآمروا على الرئيس علشان يفشلوه وخصوصاً المؤتمريين العفاشيين اللي بالحكومه والإصلاحيين، يكفي نحن محرومين من بلدنا وهاربين لاجئين وكأننا ارتكبنا جرائم ولكن لانزال معنا الأمل بأن ينتصر الرئيس على كل المتآمرين ونعود بلدنا ونحاكم العصابات على كل يوم عشناه خارج بلادنا لاجئين نحن وأسرنا.

رئيس مجلس القيادة ينهي مراجعة طبية روتينية في المانيا


توقيع اتفاقية تجديد الاعتماد المؤسسي واعتماد برنامجين لجامعة...


الداخلية الكويتية تٌعلن اعتماد التأشيرة السياحية الخليجية...


وصفه جباره تطرد البلغم من صدرك ورئتيك بسرعة مهما كان حجمه


بنت سعودية تكشف السبب الخفي الذي يجعل الرجال يفضلون المطلقات على...


حاخام إسرائيلي مشهور يوجه اتهاماً خطيرا لمصر قد يدفعها لإعلان...


السعودية تعلن بمنح الجنسية بشكل فوري لكل مقيم امضى هذا العدد من...


نعمة من الله لايهتم بها الكثير .. هذا النوع من المكسرات يضبط السكر...


سعودية مطلقة ذهبت لـساحر لمساعدتها بالزواج .. فكانت الصدمة بعد...


احمي جسمك ولا تتركيها ابدا .. 5 أطعمة هامة تقيك من سرطان الثدي


لن تحتاج للرجيم بعد الآن .. تناول فقط هذه العشبة الموجودة في كل...


الفرحة تعم المغتربين في السعودية .. الملك سلمان يعلن تحويل...


نهاية ادوية السرطان .. هذه العشبة الرخيصة تنمو في موسم الشتاء تقضي...


رجل اعمال مصري استطاع أن يخطف قلب الفنانة هيفاء وهبي مجددا .. لن...


السر وراء نهى الرسول عليه الصلاة والسلام عن شرب الماء بعد العلاقة...

مساحة اعلانية