عاودت خبيرة الأبراج المصرية، بسنت يوسف، الظهور، للتعليق على ما وصفته بـ"صدق تنبؤاتها" في العام الجديد، وما يحدث من كوارث.

وقالت بسنت يوسف خلال مداخلة هاتفية مع عمرو أديب برنامج الحكاية على قناة mbc مصر: “هى عبارة عن جداول يتم العودة إليها، وهو نفس السيناريو اللي حصل عام 1918 في الأنفلونزا الإسبانية، وبدأت من الصين واتهمتها الولايات المتحدة الأمريكية، وأنا مش قلقانة تمامًا، لأن الفترات اللى جاية هنشوف فيها حاجات كتير في بلدان العالم، وبالنسبة لنا الوضع هيفضل تحت السيطرة، وبلاش نثق إذا الدنيا هديت”.

وأضافت: “أتمنى موضوع فيروس كورونا هو اللى يفضل معانا لآخر السنة، لكن احتمال موضوع كورونا يهدى وممكن نشوف شهر ونصف أو شهرين الأجواء هادئة، وفجأة الموضوع يظهر بشكل أسوأ من الأول، علشان كدة بقول منطمنش، وبؤكد أن العالم كله هيفضل مشغول بفيروس كورونا لحد شهر ديسمبر، وأعتقد أن سنة 2020 هتخلص بنهاية شهر ديسمبر، لكن بعد كده هتحصل مفاجآت كتير، لأن كل اللي حصل ده هو وجود الكواكب في برج الجدى”.

وتابعت خبيرة الأبراج: “حتى لو انتهى موضوع كورونا، النظام الدفاعي الحقيقي في الفترة اللي بعد كورونا هتبقى الاهتمام بأجهزة المناعة، لأن اللي هيجي بعد فيروس كورونا هيبقى حاجة صعبة وهتستهدف جهاز المناعة، وبقول أننا مش هنرجع لحياتنا الطبيعية دي تاني، والزاوية اللي هتحصل في 20 ديسمبر دي محصلتش من 600 سنة، وبعدها كل حاجة في العالم هتتغير، حياة جديدة هتظهر، واللي كان بيتقبل مش هيتقبل، وأنظمة دول كبيرة جدا هتتغير وهنشوف عالم تانى خالص، وهذا الحدث سيستمر لمدة 20 عاما مقبلًا”.

ويعتاد المنجمون على محاولات إثبات توقعاتهم رغم كذب غالبيتها إلا أنها تظل أوهام ولا ينبغى تصديقها أو الاعتماد عليها.