أدلى محمد عادل المتهم بقتل الطالبة نيرة أشرف ، أمام بوابة توشكي بجامعة المنصورة ، باعترافات تفصيلية عن الجريمة البشعة .

وينشر “ الدستور " ، إجابة المتهم على أسئلة النيابة العامة فيما يلي :

  س : متى تحديدا نشأت العلاقة فيما بينك وبين المجني عليها نيرة أشرف ؟

ج : العلاقة بدأت بيننا أيام الامتحانات عام 2020

س : كيف أعددت لمخططك ؟ وما هي عدتك لتنفيذه ؟ -

ج : أنا فكرت إني أخلص عليها في تالت يوم امتحان ليها وإني هنفذ قتلها بسكينة .

- س : ولماذ استقر اختيارك على استخدامك لسلاح أبيض سكين لتنفيذ مخططك ؟

- ج : علشان دا اللي يناسبني وأنا شغال طباخ ويعرف أستخدم السكاكين كويس

- س : وهل كنت على علم بأن السلاح الأبيض سكين سلاح بطبيعته قاتل إذا ما سدد في مقتل .

- ج : أنا عارف إن السكينة الحامية هي اللي ممكن تدبح وإنها بتستخدم في ذلك وأنا بستخدمها كويس لأن دا شغلي

- س : وهل أنت على علم بالمواضع القاتلة بجسد الإنسان والتي تودي بحياة الأشخاص مباشرة ؟

- ج : أيوه

- س : وما هي تلك المواضع تحديدا ؟

- ج: الرقبة والصدر من ناحية القلب والفخذ والطعن بالسلاح

- س : ومتى قمت بإعداد السلاح الأبيض " السكين " والمستخدم في الواقعة ؟

- ج : أنا اشتريته بعد أول امتحان بأسبوع وكانت الامتحانات بتاريخ 26 - 5 - 2022 وأنا اشتريتها في 1 - 6 - 2022

س : وما هي مواصفات ذلك السلاح الذي قمت بشرائه إعدادا منك لتنفيذ مخططك ؟

- ج : هو سلاح سكين ومسنون ولسه جديد وحافظت عليه في جرابه علشان يكون سنه حاد ويساعدني في التنفيذ .

- س : وهل تيقنت من أن السلاح الذي قمت بشرائه سوف يقوم بالغرض الذي أعد من أجله ؟

- ج : أيوه

-س : ولماذا استقر اختيارك على ثالث أيام الامتحانات

ج : لأن أنا كنت خايف إن يكون معاها حد من أصحابها أو أهليتها ، ولأن هي كانت عارفة إني مش هسكت ، فقلت لازم أطمنها لحد ما أتمكن من تنفيذ اللي أنا عايزه .

ج : هل قمت بتنفيذ مخططك إذن في ثالث أيام الامتحانات وفقا لما عقدت العزم عليه ؟

ج: لا

س : ما الذي حال دون إتمامك لمخططك في ذلك اليوم ؟

ج : لأن أنا متمكنتش منها في نفس اليوم ومشفتهاش ومجاش الوقت إني أقدر أنفذ فيه مخططي .

س : هل تمكنت من إتمام مخططك في اليوم الرابع للامتحانات ؟

ج : لا

س : ما الذي حال دون إتمامك لمخططك في اليوم الرابع من الامتحانات ؟

ج : لأن أنا كنت مستني أشوفها وإحنا رايحين وأركب معاها ، ولكن لم أتمكن من الركوب معاها ، ولما خلصت الامتحان مشفتهاش وروحت .

س : ألم يعدل فكرك وتصميمك على إزهاق روح المجني عليها طول تلك الفترة ؟

ج : أنا كنت واخد قراري وهنفذه

س : وما الذي قمت به إذن بداية من صباح اليوم 20 - 6 - 2022 حتى ضبطك متلبسا بجرمك ؟

ج : أنا صحيت النهارده خدت السلاح في جرابه وحطيته في جنبي اليمين ونزلت اتمشيت لحد ما وصلت المشحمة واستنيت الأتوبيس عشان أوصل المنصورة وأخلص عليها ولما طلعت الأتوبيس لقيتها قاعدة فيه وطول الطريق كنت بفكر أقوم أخلص عليها في الأتوبيس بس كنت خايف إن الناس تحوش عنها ومقدرش أخلص عليها واستنيت لما تنزل وطلعت أجري وراها وقبل ما أخش عليها طلعت السلاح من جنبي ونزلت فيها طعن بالسلاح وفي ناس جت تحوش هوشتهم بالسلاح وروحت نازل عليها تاني ودابحها من رقبتها وساعتها الناس مسكتني وسلموني للشرطة .